4. Gehra.

Naa lamba hai, 
Naa seedha hai,
Naa chal raha hai,
Naa hi thehra hai...
Ye Raasta keval gehra hai!

Naa mushkil hai,
Naa aasan hai,
Naa surakshit hai,
Naa hi kisika pehera hai...
Ye Raasta keval gehra hai!

Naa dhoondhla hai,
Naa saaf hai,
Naa kaali raat hai,
Naa ujla savera hai...
Ye Raasta keval gehra hai!

Naa dhoop ki garmi hai,
Naa chaanv ki chaddar hai,
Naa kafan baadhe hue hai,
Naa hi sar pe Sehara hai...
Ye Raasta keval gehra hai!

3. Vichaar.

Vichaar nahi aate Soch Vichaar ke,
Kabhi bhi aate hai kisi bhi prakaar ke,
Agar aate vichar apni chaah ke,
To shayad hum chalte kisi aur raah pe,
Kaante ko hataane ki saazish na hoti,
Kaliyon ko khilaane ki khwaaish na hoti,
Vichaaro ki shrunkhala par kaabu rakh paate,
Vichaaron se upar utha nayi duniya me jaate
Kaash! Vichaar kuch der k liye hi rukte,
Hum apne kaarya ki orr jhukte,
Vichar karne se fal ka bhi sirf vichaar aata hai,
Samay aur kaarya dono haath se jaata hai,
Isiliye ab bahot hua vichaar pe vichaar,
Ab ki baar, karna hai ye janma saakaar

2. Manzil.

Na koi tamanna hai,
Na khwaaish hai dil me,
Sirf hosley liye aaya hun,
Is jahaan ki mehfil me...

Koi Hoslaa de Chahe koi,
Ginti karde Buzdil me,
Kare na kare bhale mujhe,
Apne bheetar shaamil me...

Samay kitna hai pata nahi,
Kashmakash hai Waqt aur Kaatil me,
Hosla ki har pal ki Saadhna hai,
Nahi Fark Raaste aur Manzil me!

1. If there was...

If there was one wish,

that could be fulfilled,

I would love to be associated

eternally with this beautiful guild...

If there was one request,

that I could make,

Few moments in a while,

from you, I would take...

If there was one desire,

that I could long,

together I would like,

to sing a lovely song...

If there was one prayer,

that could grab attention

I would pray for you in life,

infinite peace, bliss and satisfaction...