6. Hisaab.

Naa Maine kabhi kiraya diya,
Maa ki kokh me rehne ka...
Naa maa ne kabhi maanga hisaaab,
9 mahine mere sharir ko sehne ka...

Naa main dene waala hun daam,
Asthiyon k ganga me behne ka...
Na chukaaunga mol mujhpe chadhaye,
Kafan, chaddar, gehne ka...

Phir bhi zindagi bhar karta hun hisaab,
diye, kiye, khaaye, peeye, pehne ka...
agla peechla naa chuka lu tab tak,
kya haq hai mujhe ye kehne ka???

5. Vyast.

Kya zarurat hai bhaag daud ki,
Ab Vyast rehna to ek bahana hai...
Haqeqat Ye hai janaab,
Akelepan se peecha chhudaana hai!!

Bulaane pe daawat pe,
Haazir saara zamaana hai...
Dekhna hai meri maiyyat pe,
Bin bulaaye kitno ka aana hai!!

Achcha lage logo ko isiliye,
Mujhe sab kuch aise sajaana hai...
Laakh koshish karne pe bhi,
Logo ka iraada nuksh nikaalna hai!!

Phir bhi samajh nahi aata,
Aisa kya mujhe paana hai...
Aur ek baar, kai baar isi chakkar me,
Bhatak raha ye Deewana hai!!

Ruk, theher, soch, sambhal ab,
Mujhe apne bheeter dhyaan lagana hai...
Naa Kuch achcha, bura nahi kuch,
Yehi Dharma apnaana hai!!

4. Likhta hun.

Likhta hun, ruk jaata tun,
Kudrat k aage jhuk jaata hun...

Kabhi mausam badalta hai, kabhi mijaaz,
Kho gaya hai kahin original andaaz...

Koshish kar raha hun usey laane ki,
Jo paas hai, usi ko paane ki...

Bheed me jo chhup jaati hai,
Wahi parchhaayi akele me sataati hai...

Maut ka saamna to nishchit hai,
Badnaseeb wo hai jo jeete ji ussey parichit hai...

Rukte likhte bas itna kehna hai,
Ye shabd nahi, aatma ka aaina hai...

Kisiki kavita adhuri rahegi, kisika ant me naam hoga,
Kuch farak nahi padta,
Sabka "Ek" anjaam hoga!!!

3. Tere Saath.

Tere saath jeekar jeene laga hun,
Tujhpe main marne laga hun...

Maut se kabhi darr nahi laga,
Tujhse bichhad ne khayal se darne laga hun...

Teri maujudgee ka ehsaas is qadar hai ab,
Khud se hi baatein karne laga hun...

Kehta rehta hun hosh me aaunga,
Mere is waade pe main mukarne laga hun...

Kehte hai pyaar me sab jud jaata hai,
Main to poori tarah bikharne laga hun...

Kal kya hoga ye mujhe pata nahi,
Par 7 janam k sapne aankhon me bharne laga hun...


Tere saath jeekar jeene laga hun,
Tujhpe main marne laga hun...

2. Independent.

Yes, I am independent.
I like to jump traffic lights.
I like to break rules.
I like to litter.
I like to bad-mouth people.
I like to manipulate.
I like to plagiarize.
I like to avoid tax.
I like to spoil the public transport.
I like to spit on road.
I like to bribe.
I like to be bribed.
I like to shout about corruption with a hidden reason that I don't get an opportunity.
I like to be judgemental based on religion whether I may or may not follow one.
I like to give lectures on what I might not be preaching.
I like to write about something that I don't care to follow.
Yes, I am Independent.

1. Kyu.

Kyu main ginti kar raha hun,
Jab hisaab wo rakhta hai...
Kyu main fikar kar raha hun,
Jab khayaal wo rakhta hai...

Kyu main khud naach raha hun,
Jab dor uske haath me hai...
Kyu main baahar khoj raha hun,
Jab wo mere saath me hai...