2. Astitva.

Sar par sawaar rehta hai toofaan,
khichta hun logo ka apni orr dhyaan...
Kya astitva hai mera is jahaan me,
Jo main rehtaa hun sadaa gumaan me!

Vyast rehta hun sajaane me Gulistaan,
Ghar, pariwaar ka maano hun main Sultaan...
Kya astitva hai mera is jahaan me,
Kaun jaanta hai mujhe 1 meel dur ke makaan me!

Vyavasaay me khud ko maanta hun mahaan,
Karta hun wo, jo kehti hai meri jubaan...
Kya astitva hai mera is jahaan me,
Nahi Aukaad, Sambhal saku zara se Nuksaan me!

Furti aur Tandurusti ka deta hun gyaan,
Swastha sharir, mann se banta hai majboot insaan...
Kya astitva hai mera is jahaan me,
Pheeka pad jaata hun halkse se jukaam me!

Kehta hun, Zindadili hi hai apni shaan,
mere dil me bastaa hai ek dayvaan...
Kya astitva hai mera is jahaan me,
Jab hichkichahat hoti hai 2 paise ke daan me!

'Main Chota aadmi' aisa karta hun bayaan,
Par chahta hun, duniya gaaye mere gun-gaan...
Kya astitva hai mera is jahaan me,
Kaha hai gun, dosh se bhare is shaitaan me?

Main nahi karu, to nahi hoga falaana kaam,
meri mehnat se, khush hai naukar aur khaandaan...
Kya astitva hai mera is jahaan me,
mere jaane ke baad bhi, kategi zindagi sabki aaram me!

Hai mujhme taakat, daal du murde me jaan,
koi apni hasti mitaa naa sakey, aisa mila hai vardaan...
Arre Murkh!! Kya astitva hai mera is jahaan me,
Ek din jal jaana hai Mujhe Smashaan me!
ya Dafan ho jaana hai paas ke Kabrastaan me!
Kya astitva hai mera is jahaan me...