3. Ichcha.

Iske Milte hi main sukhi,
Uske Talte hi main sukhi,
Sukh, main dhoondhta hun Ichcha ki purti me..

Kuch Zindagi me aaye, phir main sukhi,
Koi Zindagi se jaaye, phir main sukhi,
Sukh, main dhoondhta hun Ichcha ki purti me..

Ek baar ye khaa lu to main sukhi,
Pet ka kachra nikaal du to main sukhi,
Sukh, main dhoondhta hun Ichcha ki purti me..

Yah Cheez Haasil kar lu, paschaat main sukhi,
Wah Cheez ko tabdil kar lu, paschaat main sukhi,
Sukh, main dhoondhta hun Ichcha ki purti me..

Pehla faisla mere paksh me ho jaaye, baad main sukhi,
Dusra jo mere khilaf hai uske kaagaz kho jaaye, baad main sukhi,
Sukh, main dhoondhta hun Ichcha ki purti me..

Kahin Rishta jud jaaye, ho jaau main sukhi,
Kisise naata tut jaaye, ho jaau main sukhi,
Sukh, main dhoondhta hun Ichcha ki purti me..

Meri achchaiyaan sab jaan le, tab main sukhi,
Meri buraiyaan koi naa pehchaan le, tab main sukhi,
Sukh, main dhoondhta hun Ichcha ki purti me..

Ichchaiyen utpan hoti rehti hai, nirantar apni furti me,
Sukh, main dhoondhta hun, un Ichchaon ki purti me..
Afsos, sadaa jeene ki Ichcha liye jaan nai paata main,
Sukh, keval hota hai Ichchaon se Mukti me!!!