5. Bhul.

Jeevan ki dagar par chalte chalte,
Kuch yaad raha, kuch bhul gaya...

Kuch panney bas yuhi andekhe palat gaye,
Koi kissa raaz rakhna chaaha par khul gaya...

Kabhi sookha pada to paani ki pyaas lagi,
Trishna nahi thi tab leheron se dhul gaya...

Gulshan ko sanwaara,  kaaton ki pehredaari me,
Ek din phir wahi chubha, aur haaton se phool gaya...

Paison ki ginti me saanson ki keemat naa ki,
Naa rahi saansen,  kaaam naa aaye paise,
Bas trishanku bhaanti aakash me jhul gaya...
Jeevan ki dagar khatam hone par,
Kuch yaad naa raha,  sab bhul gaya....