5. Europe - Ek Saal.

Ek saal pehle shuru hua,
Europe ka haseen safar,
Kai ummedein thi mann me,
Jab chhod rahe the ghar...

Anjaan log, naye sheher,
Kise pata tha kaisi hogi dagar,
Dheere dheere honi lagi baatein,
Jinse pehle mili thi sirf nazar...

Bus me shuru hota tha din,
Prabhu bhakti aur prarthana sabhar,
Phir tarah tarah ke nazaaron ka darshan,
Karte rehte hum sab din dopahar...

Swadisht desi khaane ka luft,
Issey kya ho sakta hai behtar,
Sadak kinaare baith jaate kabhi,
Yaaron ke sang coffee lekar...

Raat me karte the mauj masti,
Thakaan nahi hoti thi itna ghumkar,
Shubh raatri ek dusre ko kehte, 
Ant me pahuchte apne bistar...

Keval 17 dino me hua kamaal,
Bane naye mitra, dekhe kai manzar,
Aakhir wo din aa gaya jab laut aaye Mumbai,
Aage badhe Sabko Phir milege kehkar...

Lekin Kahani abhi baaki hai,
Aise thodi hum jaate bikhar,
Naye mitra ab ho gaye hai pakke yaar,
Khub mazey karege jab tak sambhaale Ishwar.