લાગે મીઠો રેતીનો દરેક કણ,
એવો મધુરો માનું સંસાર રણ,
"બહિર્મુખ" રહીને માણવું છે "બધું",
પછી કહું, નથી જાગતું અંતઃકરણ !!
ખાવું કેટલું, પણ જોઈએ મણના મણ,
ભેગું કરવું સતત, નથી પૂછવું કેમ પણ?
નથી "તાકત" છતાં, માણવું છે "બધું",
પછી કહું, નથી જાગતું અંતઃકરણ !!
વળાવવા આવશે ફક્ત ચાર જણ
રૂડું દેખાડવા દુનિયાને, જીવન અર્પણ
બોલું "છે માયા" અને, માણવું છે "બધું",
પછી કહું, નથી જાગતું અંતઃકરણ !!
સમજી લે ડોબા, રત્ન કહ્યા ત્રણ,
સાધી લે લક્ષ, જાણીને "ક્ષણ"
અંતરનું સુખ, માણવું હોય "બધું",
તો ચોક્કસ જગાડવું રહ્યું અંતઃકરણ !!!
No comments:
Post a Comment