khayalon ka bhi ek jahaan hai
is pal yahin hai, phir wahaan hai
kabhi chalte khud ke saath hai
to kabhi saath me karvaan hai
khubsurat sa apna aashiyan hai
jisme saari aadhunik suvidha hai
peeche choti si ek nadiya hai
aur aage pyari si bagiya hai
ghumne ke liye saari duniya hai
ek jahaaz, darzan gaadiyan hai
aish hi aish chal rahi hai kyonki
koi poochne waala kahaan hai
saari kalaon me hum khaan hai
har taraf apni waah waah hai
apni hasti hi kuch aisi hai
hum mehmaan aur jag mezbaan hai
hum chahe to din me chandrama hai
apne ek ishaare pe badle sama hai
chahe ho swarg kitna bhi dur par
hum soche aur bas, wo yahaan hai
arre bhai, ye sab to ek kalpana hai
khayaalon se khush hoke lautna hai
phir apne jeevan me vyast hoke
wahi ghar,kaam aur wahi khaana hai
kya in khayalon pe sirf hasna hai?
kya is bhanwar me keval fasna hai?
ek aur khayal gaur karne layak hai
kshanik, har dukh aur khushiyan hai
Subscribe to:
Post Comments (Atom)
No comments:
Post a Comment