1. Kamaya.

Saari zindagi bahot paisa kamaaya,
Phir bhi kyu khushi ka balance kam aaya?
Auron se aage, sab se tez khud ko bhagaya,
Kyu aisa laga ki auron ko mili khushi, mere naseeb gam aaya?

Jeevan bhogne ki ichcha hui,
Tab Paisa kamaane ka mauka hardam aaya,
Agli baar bhog lunga, is baar kamaa lu,
Is tarah se Maine mann ko samjhaaya!

Yehi chakkar chalta raha aur ek din,
Jab dastak deta dwaar pe yam aaya,
Kuch kahu uske pehle sab bikhar gaya,
Wo sab jo zindagi bhar jamaaya (jamaa kiya)!

Saari zindagi bahot paisa kamaaya,
Par jeete jee kitna bhoga aur marne k baad kitna kaam aaya??